Normativa: Resolución do 27 de xuño de 2022 pola que se establecen as bases reguladoras das subvencións do Programa de bono alugueiro mocidade e se procede á súa convocatoria, con financiamento plurianual, para o ano 2022. (DOG nº 124 do 30/6/2022)
Persoas beneficiarias e requisitos:
Persoas físicas maiores de idade quereúnan todos e cada un dos requisitos seguintes:
- Ter menos de 36 anos no momento de solicitar a axuda.
- Posuír a nacionalidade española, ou a dalgún dos Estados membros da Unión Europea ou do Espazo Económico Europeo, Suíza, ou o parentesco determinado pola normativa que sexa de aplicación. No caso das persoas estranxeiras non comunitarias deberán acharse en situación de estancia ou residencia regular en España.
- Ser titular ou estar en condicións de subscribir na Comunidade Autónoma de Galicia, en calidade de persoa arrendataria, un contrato de alugamento de vivenda formalizado nos termos da Lei 29/1994, do 24 de novembro, de arrendamentos urbanos, ou, en calidade de persoa cesionaria, dun contrato de cesión de uso. No caso de alugamento de habitación non é xixible que a formalización sexa nos termos da Lei 29/1994, do 24 de novembro.
- Dispoñer de, polo menos, unha fonte regular de ingresos.
- Dispoñer dunhas rendas anuais, incluídos os das persoas que teñan o seu domicilio habitual e permanente na vivenda arrendada ou cedida ou a arrendar ou ceder, consten ou non como titulares dun contrato de arrendamento ou cesión, iguais ou inferiores a 3 veces o IPREM.
- Que a vivenda ou habitación arrendada ou cedida constitúa, no momento da solicitude, a súa residencia habitual e permanente, no caso de que teña contrato. A dita circunstancia deberá ser acreditada mediante certificado ou volante de empadroamento nos termos previstos nesta resolución.
Renda mensual da vivenda ou prezo de cesión:
Non poderá superar o seguintes importes, dependendo do concello en que estea situada:
- 600 € para as vivendas situadas nos concellos de zona territorial de prezo máximo superior.
- 500-450 € para as vivendas situadas na zona territorial 1.
- 400 € para as vivendas situadas no resto de concellos, zona territorial 2.
Contía e compatibilidade:
- 250 euros ao mes, por un prazo de 2 anos. Contía máxima de 6.000 €.
- Esta axuda é expresamente compatible coa axuda ao alugueiro do Programa 5 de Axuda aos mozos e para contribuír ao reto demográfico do Plan Estatal: Neste caso a axuda é de ata o 40% da diferenza entre o alugueiro da vivenda e a axuda do Bono Alugueiro para a mocidade, co límite conxunto (suma da axuda do Bono alugueiro para a mocidade e deste programa de axuda) do 75% da renda do alugueiro.
Lugar de presentación: Presentaranse obrigatoriamente por medios electrónicos a través do formulario dispoñible na sede electrónica da Xunta de Galicia (https://sede.xunta.gal).
Prazo: Comezará o día seguinte ao da publicación desta resolución no DOG e rematará o 31 de outubro de 2022 e, en todo caso, no momento do esgotamento do crédito orzamentario, o que será publicado no DOG.