DON IVÁN PONTE MAHÍA, SECRETARIO-INTERVENTOR DO CONCELLO DE TOQUES ( A CORUÑA )
C E R T I F I C A
O Sr. Alcalde do Concello de Toques adoptou a resolución de alcaldía numero 166/2016 de data 5 de outubro de 2016, que literalmente establece o seguinte:
“Visto que con data 8 de agosto aprobouse iniciar o procedemento de licitación e adjudicación da obra “CAMIÑO GOIAS A LIMITE CONCELLO ( VILOURIZ ) E OUTROS” mediante procedemento negociado con publicidade a través dos pregos tipo de condicións administrativas da Deputación Provincial de A Coruña.
Visto que durante o prazo de presentación de ofertas, foron presentadas no Concello de Toques varias ofertas económicas de diferentes licitadores;
Vistas a ultima acta da Mesa de Contratación de data 4 de outubro de 2016 onde se valoran as referencias técnicas e a oferta económica das ofertas presentadas, e onde se propón adxudicar a obra a FRANCISCO GOMEZ E CIA S.L por ser considerada a oferta económicamente máis ventaxosa pola propia Mesa de Contratación.
Á vista das ofertas presentadas e de todo o anterior e, de conformidade co establecido na disposición adicional segunda do Real Decreto Legislativo 3/2011, de 14 de novembro, polo que se aproba o Texto Refundido da Lei de contratos do Sector Público, en relación co 21.1. da Lei 7/1985, de 2 de abril, Reguladora das Bases de Réxime Local,
RESOLVO
PRIMEIRO. Adxudicar ó contratista FRANCISCO GOMEZ E CIA S.L. a obra “CAMIÑO GOIAS A LIMITE CONCELLO ( VILOURIZ ) E OUTROS” por un importe total de 61.109,84 euros, cunha baixa de 11.325,58 euros, é dicir, cunha baixa de 15,63% sobre o prezo de licitación do contrato.
SEGUNDO. Notificar a adxudicación ó contratista e o resto de licitadores os efectos oportunos.”
E para que conste, expido a presente, de orden e co visto e prace do Sr. Alcalde, en Toques a 5 de outubro de 2016.
Vº Pº
O ALCALDE. SECRETARIO.