Esta nova permite beneficiarse dunha axuda económica destinada á práctica deportiva cun valor de 120 € consumibles en varias compras ata consumir
Poderán ser beneficiarios/as das axudas do Bonodeporte o pai ou nai, ou titor/a dun/ha menor con idade comprendida entre os 6 e os 16 anos no momento de realizar a solicitude, federado ou inscrito no Programa Xogade de deporte escolar, tendo dereito a un único Bono por cada menor.
Por medio deste Bonodeporte subvencionarase a compra de material deportivo, a contratación de servizos deportivos.
Cada usuario (proxenitores do menor) poderá descargar o Bonodeporte entre o 8 de xaneiro e o 29 de febreiro de 2024, a non ser que se chegue ao esgotamento do crédito dispoñible con anterioridade a esta data.
Non obstante, sen se producir o esgotamento de crédito, o prazo de finalización para realizar as compras esténdese ata o 1 de Xullo de 2024.
O sistema funciona a través dunha aplicación móbil e o importe de cada bono irase consumindo en función do valor da compra.
¿Cómo se pode adquirir o Bonodeporte?
Paso 1: Date de alta desde o teu móbil ou a través da web en www.bonodeporte.gal
Paso 2: Enviarémosche un sms de validación ao móbil.
Paso 3: Activa o teu bono e descárgao no móbil.
Paso 4: Os establecementos adheridos ao presente programa, disporán o seguinte logotipo nun lugar visible.
Paso 5: Amosa o teu código QR no momento do pago
Cada Bonodeporte terá un valor de 120 € e terá a consideración de bono desconto do 80 % do compra ou servizo contratado (IVE incluído), e terán a consideración de subvención a fondo perdido non reintegrables.
As axudas obtidas serán compatibles con calquera outra subvención, axuda ou ingreso ou recurso procedente doutras administracións, sempre e cando non supere o custo da actividade subvencionada.